Jamuhuri ya Muungano wa Tanzania

Taasisi ya Mifupa Muhimbili(MOI)

Offering Services in Orthopaedics, Neurosurgery, and Traumatology

Habari na Matukio

Date : 13 Oct 2016

Posted on 13 Oct 2016

Taasisi ya Tiba ya Mifupa Muhimbili (MOI) kwa mara ya kwanza imefanya upasuaji mkubwa kwa mafanikio makubwa wa kunyoosha mfupa wa mgongo wa mtoto uliopinda (Kibiongo) kitaalamu (Scoliosis).

Upasuaji huo ulifanywa na jopo la madaktari bingwa 3  kwa kutumia technolojia ya ‘Posterior Instrumentation and Fusion’ ambayo inahusisha uwekaji wa vyuma maalum kwenye mfupa wa mgongo uliopinda katika sehemu ya juu na chini ya mfupa wa mgongo  na kuufanya mgongo unyooke kama inavyotakiwa. Upasuaji huo ulifanyika kwa kutumia zaidi ya masaa 5

Taassisi ya MOI imefanikiwa kufanya upasuaji huo  kupitia madaktari bingwa wa MOI walioko kwenye mafunzo ya ubobezi wa juu katika upasuaji wa mifupa na mgongo kwa watoto  kwa kushirikiana na madaktari bingwa kutoka Marekani

Aidha, Uanzishwaji wa upasuaji huu umetokana na kuanzishwa kwa ushirikiano wa kimafunzo kati ya Taasisi ya MOI na Chuo cha madaktari bingwa wa upasuaji cha Afrika Mashariki , Kati na Kusini ‘COSECSA’ na Madaktari bingwa kutoka Marekani

Uanzishwaji wa upasuaji huu wa kunyoosha migongo ya watoto iliyopinda (Scoliosis) unatarajiwa kuisaidia serikali kupunguza rufaa za kuwapeleka wagonjwa nje ya nchi ambazo ni za gharama kubwa. Ambapo gharama za kumtibu mtoto mmoja nje ya nchi ni zaidi ya dola za kimarekani elfu 30 hadi 40

Hivyo, Uongozi wa Taasisi ya MOI unatoa wito kwa madaktari kwote nchini kuja kupata mafunzo hayo hapa MOI, Pia wazazi wenye watoto wenye matatizo hayo wawalete hospitali ili wafanyiwe uchunguzi na upasuaji 

Book Online

Saa za Kuona Wagonjwa

Jumatatu - Ijumaa

: 06:00 Asu - 07:00 Asu

: 06:00 AM - 07:00 AM

Jmosi / Jpili & Sikukuu

: 06:00 AM - 07:00 AM

: 07:00 PM - 08:00 PM

: 06:00 AM - 07:00 AM

Miradi & Ushirikiano